(Tolışə zıvon) Толышә зывонәдә орфографија ијән орфоепија - Fenix.press
(Tolışə zıvon) Толышә зывонәдә орфографија ијән орфоепија

(Tolışə zıvon) Толышә зывонәдә орфографија ијән орфоепија

Извините, этот техт доступен только в “Тагалог”. For the sake of viewer convenience, the content is shown below in the alternative language. You may click the link to switch the active language.

Сыханвард (предлог) чиче? Сыханвард објекти де субјекти арәдә рәвимон оноә сәбәсож ныбә(озод ныбә) сыханонин.

Ҹумлә ијән ибәсыханонәдә(словосочетание) номон,әвәзәкәон,ашмардон ҹо сыханонку синтактикә шыкырәти һоли нишо дојдән.Сыханвардон сәбәсож око доә бедәнин.Әвон һежо ја бә номи (исим), јаән номи вырәдә око дә быә сыхани омужән бедән.

Чокнәј бәсә дәшедәмон,сыханвард ҹумләдә бәнәј сәбәсожә ҹумлә әһәши вырәдә око доә бедәнин.Чәмә зывонәдә гырд ве око доә быә сыханвардон ымонин:

Әв (ә),бә,че(гејри-муәјјән),чы(муәјјән),чә(муәјјән),бо,бы,де.

бәмә-бә әмә

чәмә-чы әмә

чымон-чы ымон

чәвон-чы әвон

бәштә-бә ыштә

бәшмә-бә шымә

бәвон-бо әвон

боштә-бо ыштә

дәвон-де әвон

Филәғәт ымон (сыханвард+сыхан)дәчыкән бә јәнды иглә сыхан быән.Гәпәдә,гирәм вир сәғандәмон,бәвиндемон ки,//чәмә// воте //чы әмә//вотејсә роһәте,ым бо зывони гылә нормалә кој.Зывони гәпжемон ( шифаһи) ковыл бедә, ве самитон кали бәжәнән саитонән шодојдә.

Сорон,әсрон бә сыханон ыштә рандә жәјдән,әвони тазисә вардән, сыханонән ыштә иминә форма овахтедән, бә ҹо вәрз омедән.Бә жыго һоли чәмә зывонәдә пегыние бедә.Чумчыко чокнәј ыштәнән зынејдәјон чәмә зывони чанд әсроне нывыштәјыш быәни.

Де ыми ангыл,бә шымә чочин оме бәзынеј.Манде әмә ыштә зывони жиејымон пидә,бәчәјро бә һәшимон. Әве бә жыго коон бәпе чок папе быбәмон.Ым әв ни ки,әмә бывотәмон ымон (бәмә,чәмә,боштә,бошмә)иглә сыханин.Ыми һич ҹурә воте әбыни.Чумчыко ым сыханвардон чы әмә зывонәдә ҹо контекстонәдә око доә бедән. Тимсал:

Бә одәми,бә кинә,бә китоби.

Чы одәми,чы кинә,чы китоби.

бо одәми,бо кинә,бо китоби.

Гирәм әмә пидәмонебу,чы әмә зывон быжијо,бәпе ыштә зывонәдә бынывыштәмон,баһандәмон. Бычымироән бә зывоншунасәти елми дәстурон пеманде лазиме.Чы әвонәдәән гыләјни орфографија(сәростә нывыштәј) ијән

орфоепија(сәростә гәп жәј)дәстуронин.Филәғәт нывыштејәдә:

бә әмә

чы әмә

чы ымон

чы әвон

бә ыштә

бә шымә

бо әвон

бо ыштә

де әвон

гәпәдә ысәтбој:

бәмә

чәмә

чымон

чәвон

бәштә

бәшмә

бәвон

боштә

дәвон

вотеј сәрост бәбе.

Диана Монтгомери.

Последние записи

Facebook Comments